Чаму SMART

БЖ-БЖ пасека — гэта спалучэнне трох фактараў: разумных пчол, тэхналогіяў і пчаляра.

Пчолы

Пчолы — гэта магутныя апыляльнікі, якія садзейнічаюць ўстойліваму экалагічнаму асяродку і будучыні чалавецтва на гэтай планеце, робяць суіснаванне людзей і звярэй лепш, падтрымліваюць разнастайнасць.

Таму пчолы — разумныя істоты, але зараз яны пад пагрозай знікнення. Я буду рабіць усё, каб пчолы множыліся і былі ў сімбіёзе з людзьмі і наадварот. На БЖ_БЖ пасецы жывуць мірныя пчолы пароды - бакфаст.


Тэхналогіі

На БЖ-БЖ пасецы імкнуся выкарыстоўваць тэхналогіі максімальна прыбліжаныя да арганічнай сельскай гаспадаркі. Гэта значыць, не выкарыстоўваць хімікаты і паважаць працаўніц.

Пчолы вас прымусяць ведаць цэлы шэраг навук. Разуменне прыроды пчол - гэта таксама разуменне прыроды наогул і эксперымент, у які я ўцягваю у тым ліку свой набор лічбавых і гуманітарных тэхналогіяў.


Пчаляр

Пра сябе. Я, Міхаіл Волчак, сацыятэхнік і ўжо пчаляр. Узнаўляю традыцыю дзядулі і трох пакаленняў маіх прашчураў. У 2019 годзе пачаў пасеку з нуля.

Займаюся грамадскай дзейнасцю. Маю айцішную і юрыдычную адукацыі. Умею праграмаваць, арганізоўваць, пісаць, выкладаю англійскую мову. Люблю Беларусь. А яшчэ пчол…


Праекты пасекі

Мне цікава будаваць супольнасць вакол захаплення, таму я зацікаўлены ладзіць праекты, якія прыцягваюць адзінадумцаў.

Курс. Пчалярства для пачынаючых

Гэты анлайн курс распрацаваны для тых, хто хоча пачаць пчалярыць з нулём ведаў. Усе заняткі адбываюцца па-беларуску. матываваныя слухачы трапяць на стажыроўку ў смарт-пасеку.

Гарадское пчалярства.

Гэта эксперыментальные пчалярства, якое ладжу ў невялікіх прыватных садзіках ці на хмарачосах.

Як мы працуем

Праца з пчоламі — гэта захапляльнае відовішча, пасля якога падаеш і засынаеш ад стомы шчасця=) Глядзіце, як усё адбываецца.

Прадукты

Пчалярства - гэта маё захапленне, хобі. Я хачу працягваць эксперыментаваць і збіраць супольнасць, таму мне патрэбна пакрыццё выдаткаў для сучаснага абсталявання і разыходнікаў, а таксама сацыятэхнічнай дзейнасці.

Мёд у баначках

Мёд

  • Набыць мёд можна ў разліўных шкляных сподках вагой netto 350, 500 грамм, 1 кг, 0,5 літра або
  • у сваёй тары, вагу разлічым мядовым калькулятарам.
Мёд у сотах

Мёд у сотах

  • Даступны ў нарэзаным выглядзе. Кавалкі ад 70 да 600 грам.
  • Таксама можна набыць цэлую соту, вагой каля 2 кг.

Воск

  • Падзелены на брускі ці цыліндры ад 250 грам да 3 кг кожны.

Пярга

  • Даступная ў кульках ад 50 да 300 грам, або ў вашу тару.

Праполіс

  • Праполіс даступны ў выглядзе настойкі 20-25-30%, бутэлечкамі 100 мл/250 мл. Таксама ёсць у цвёрдым выглядзе.

Крэм-мёд

  • Даступны ў сподачках вагой па 300 гр.

Дыванкі пахучыя, прапалісаваныя

  • Даступныя дыванкі гэтага году і мінулага.

Крэм для абутку

  • Універсальны, бяз колеру. На аснове воска і скіпідара.

*З новага, рыхтуем: Крэм-мёд з журавінамі, мёд верасовы, камплекты для свечак Наогул можна рабіць спецыяльныя замовы, мы распавядзем наколькі - гэта рэальна зрабіць

Звязацца з намі

Калі ласка, уважліва запаўняйце ўсе палі